Rrugëtimi i Olechkës në shtëpinë e Big Brother VIP Kosova ka përfunduar gjatë spektaklit të mbrëmshëm.
Ajo u bë banorja e radhës që u eliminua nga loja, pasi grumbulloi numrin më të ulët të votave nga publiku në televotimin e hapur që nga dita e hënë.
Publiku kishte në dorë mundësinë për të votuar banorin e preferuar, ndërsa personazhi me më pak mbështetje do të largohej përfundimisht. Në përfundim të këtij procesi, Olechka mori më pak mbështetje, duke mbyllur kështu aventurën e saj në këtë edicion.

Pranë eliminimit ishte edhe Valdeti, i cili u rendit i dyti për nga numri më i ulët i votave. Megjithatë, ai vazhdon garën duke u dërguar sërish në nominim, ku do të presë vendimin e radhës të publikut. Pas largimit të Olechkës, loja pritet të marrë zhvillime të reja drejt çmimit të madh.
Kujtojmë se edicioni i pestë i Big Brother VIP Kosova nisi me 21 banorë që u bënë pjesë e garës për çmimin e madh.
