Protestuesit janë mbledhur sërish para godinës së Kryeministrisë në Tiranë, duke shënuar kështu ditën e 126-të të tubimit të tyre. Gjatë kësaj proteste, pjesëmarrësit kanë vijuar sërish me marshimin përgjatë bulevardit kryesor “Dëshmorët e Kombit”. Më pas, protestuesit janë ndalur përpara selisë së qeverisë, ku tubimi ka vazhduar përmes fjalimeve të mbajtura nga përfaqësues të protestës.
Lëvizja e njohur si “Revolucioni i Flamingove” nisi kundër ndërtimit të një resorti turistik në zonën e Zvërnecit. Megjithatë, përgjatë zhvillimeve dhe kohëzgjatjes së saj prej 126 ditësh, ajo ka evoluar duke u shndërruar në një protestë me karakter politik.
