Lajme

Kënga serbe kundër Kosovës në Bruksel, Terras: KE dhe Marta Kos i kanë borxh Kosovës një shpjegim

Raportuesi për Kosovën në Parlamentin Evropian, Riho Terras, ka reaguar  për muzikën e këngës nacionaliste serbe kundër Kosovës e cila u interpretua në Bruksel, në hapje të Forumit të Zgjerimit të Bashkimit Evropian, që organizohet nga Komisioni Evropian nën udhëheqjen e komisioneres për zgjerim Marta Kos.

Ai ka thënë se ky është një provokim i qëllimshëm ose shfaqje e injorancës.

Terras ka thënë se Komisionit Evropian dhe Marta Kos i kanë borxh Kosovës një shpjegim.

“Një provokim i qëllimshëm, ose një shfaqje e pastër e injorancës. Interpretimi i një kënge nacionaliste serbe, e cila pretendon sovranitet mbi Kosovën, në një aktivitet të BE-së për zgjerimin, përbën një gafë jashtëzakonisht të papërshtatshme dhe pa shije. Komisioni Evropian dhe Marta Kos i kanë borxh Kosovës një shpjegim” ka shkruar ai në X.

Kosova nuk është ftuar në këtë forum, edicioni i dytë i të cilit ka nisur sot.

Për interpretimin e kësaj kënge ka pasur reagim edhe nga Kosova, ku është dënuar rasti dhe kërkaur sqarime.

 

Kosova pret sqarime nga Komisioni Evropian për këngën serbe kundër Kosovës në aktivitetin e BE-së

Të Ngjashme