5
Një krijuese përmbajtjesh në TikTok nga Atlanta është bërë virale pasi pretendoi se i dashuri i saj i dha fund lidhjes për shkak të një vajze të krijuar me inteligjencë artificiale, të cilën ajo vetë e kishte gjeneruar për të ndihmuar motrën të shiste një tavolinë në Facebook Marketplace. Savannah, e njohur në TikTok me emrin @savsilby, publikoi fillimisht një video që ka grumbulluar afro 900 mijë shikime, ndërsa më pas dha më shumë detaje mbi historinë.
Sipas saj, fotografia e krijuar me AI kishte si qëllim vetëm të tërhiqte më shumë vëmendje për njoftimin e shitjes. “Nuk mendova se kishte ndonjë problem. Ia dërgova të dashurit tim të asaj kohe dhe i thashë: ‘Shiko sa qesharake është kjo, po marrim shumë klikime dhe do ta shesim tavolinën’”, tregoi ajo.
Megjithatë, reagimi i partnerit të saj mori një drejtim të papritur. “Ai më tha: ‘Ajo vajza në foto po më ngjall mendime epshore’. Pastaj shtoi se ishte ‘shumë tërheqëse sipas standardeve të zakonshme’”, rrëfeu Savannah.
Sipas saj, pas asaj bisede partneri nisi ta injoronte për disa ditë. “Kaluan disa ditë dhe ai më tha se kishte rënë nga dashuria për mua për shkak të një vajze të krijuar me inteligjencë artificiale”, tha ajo. Megjithatë, Savannah pranoi se marrëdhënia kishte probleme edhe më parë. “Ndoshta ishte vetëm çështje kohe që të ndaheshim”, u shpreh ajo me humor, duke shtuar se partneri i saj i ardhshëm “duhet të ketë një makinë dhe një punë me kohë të plotë”.
A TikToker has gone viral after claiming her boyfriend broke up with her over an AI girl that she created
She generated the AI model to sell a table on Facebook Marketplace pic.twitter.com/6WFFSSMjAF
— Dexerto (@Dexerto) July 13, 2026
