Mateo Borri, një nga personazhet më të dashur për publikun që ka ndjekur aktivisht Big Brother VIP Albania, ka reaguar pas përfundimit të eksperiencës së tij në këtë format.
Ai ka zgjedhur rrjetet sociale për të ndarë disa reflektime lidhur me qëndrimin e tij në shtëpinë më të famshme në vend.
Përmes një postimi në Instagram, Mateo ka përmendur 106 ditët e kaluara brenda shtëpisë, duke i cilësuar si një periudhë të rëndësishme në jetën e tij personale dhe profesionale. Në mesazhin e tij, ai ka shprehur falënderim dhe mirënjohje për mbështetjen që ka marrë gjatë gjithë kësaj kohe, shkruan “Kosovarja”.
Reagimi i tij vjen pas përfundimit të rrugëtimit në këtë format televiziv, duke përmbyllur kështu një eksperiencë që tërhoqi vëmendjen e publikut.
