Për ditën e sotme, e diel, (8 nëntor) moti në Shqipëri parashikohet të jetë nën ndikimin e vranësirave dhe reshjeve të pakta të shiut në disa zona. Ndryshe nga ditët e kaluara, do të ketë një rënie të temperaturave maksimale dhe forcim të erës.
Temperaturat për ditën e sotme do të luhaten nga 4°C në zonat malore deri në 19°C si vlerë maksimale në zonat e ulëta dhe bregdet.
Ditën e sotme do të mbizotërojnë vranësirat e shpeshta. Në disa qytete, përfshirë Tiranën, priten edhe periudha afatshkurtra me reshje të pakta shiu.
Era do të fryjë një erë relativisht e fortë nga drejtimi jugor, duke arritur shpejtësinë deri në 50 km/h, çka mund të sjellë dallgëzim në dete.
/rtsh.al/
