Një fotografi që po qarkullon së fundmi në rrjetet sociale ka ngritur pikëpyetje mbi qëndrimin e reperit Noizy ndaj kryeministrit Edi Rama dhe protestës së studentëve në Tiranë.
Imazhi po shpërndahet me pretendimin se artisti ka dalë kundër kryeministrit dhe ka shprehur mbështetjen e tij për studentët që protestojnë.
Vëmendja ndaj këtij pretendimi lidhet edhe me qëndrimet e mëparshme publike të reperit. Në prill të vitit 2025, Noizy mori pjesë në hapjen e fushatës elektorale të Partisë Socialiste dhe shprehu hapur mbështetjen për Edi Ramën.
Nëse konfirmohet një ndryshim i qëndrimit të tij, ai do të përbënte një zhvillim të ri në raportin e artistit me kryeministrin.
Për momentin, megjithatë, nuk ka prova të mjaftueshme për të pohuar se Noizy i është bashkuar publikisht protestës së studentëve apo se ka dalë kundër Ramës.
