Aksident fatal në Zvicër, humb jetën një mërgimtar nga Gjilani.
Një shtetas nga Kosova ka humbur jetën në një aksident trafiku në Zvicër. Viktima është identifikuar me inicialet F.H., i cili ishte me origjinë nga Gjilani dhe jetonte prej vitesh në Zvicër, transmeton albinfo.ch.
Lajmi është konfirmuar nga autoritetet e sigurisë dhe institucionet shëndetësore zvicerane, si dhe nga familjarët e të ndjerit.
Sipas të dhënave të para, F.H. ka humbur jetën si pasojë e aksidentit rrugor, ndërsa rrethanat e plota të ngjarjes nuk janë bërë ende publike.
Autoritetet në Zvicër kanë nisur hetimet për të sqaruar shkaqet e aksidentit./Albinfo.ch
https://www.albinfo.ch/shqiptari-nga-kosova-humb-jeten-ne-aksident-trafiku-ne-zvicer/
