Priyanka Chopra rrëfen momentin ‘çnjerëzor’ kur regjisori kërkoi të shihte të brendshmet e saj në xhirime

Priyanka Chopra ka folur së fundmi për atë që e cilëson si një “moment çnjerëzor” kur një regjisor e vendosi atë në një situatë të pakëndshme në xhirime.

Aktorja 40-vjeçare zbuloi se një regjisor nga Bollywood kishte kërkuar të shihte të brendshmet e saj gjatë viteve të para të karrierës së saj.

“Kjo mund të ketë qenë në 2002 ose 2003,” tha ajo për ‘The Zoe Report’, duke shpjeguar edhe skenën e filmit. “Unë jam e fshehtë, po joshja djalin. Në një moment duhet të hiqja diçka nga trupi por unë doja të vishja rroba të tjera. Por, regjisori tha: ‘Jo, më duhet të shoh të brendshmet e saj. Përndryshe, pse duhet ta shikojnë njerëzit këtë film?’Ai nuk ma tha mua. Ai ia tha stilistes para meje. Ishte një moment kaq çnjerëzor. Ishte një ndjenjë e tmerrshme që më bëri të mendoj: “Unë nuk jam asgjë tjetër veçse dikush që mund të përdoret, arti im nuk është i rëndësishëm, ajo që kontribuoj nuk është e rëndësishme”.

Ylli i “Citadel” tha se kjo e shtyu atë të hiqte dorë nga projekti dy ditë më vonë, por tha se ajo pagoi grupin e prodhimit nga xhepi për paratë që kishin humbur pasi babai i saj e nxiti ta bënte këtë. “Unë thjesht nuk mund ta shikoja regjisorin çdo ditë,” shtoi ajo.

Chopra së fundmi zbuloi arsyen që u largua nga Bollywood, duke thënë se ajo ndjehej “e shtyrë në një cep” nga industria.

“Kisha njerëz që nuk më bënin kast, kisha probleme me njerëz, nuk jam e mirë për të luajtur atë lojë, kështu që disi isha e lodhur nga politika dhe thashë se kisha nevojë për një pushim,” tha ajo në podcastin “Armchair Expert” të Dax Shepherd në mars.

Menjëherë pas kësaj ajo filloi karrierën e saj jetëshkurtër muzikore, e cila përfundimisht e futi atë në Hollywood.



Related Articles

Back to top button