Muzika ka shumë përfitime: ajo të relakson, por a e dini se mund t’ju ndihmojë të përqendroheni më mirë, edhe nëse keni çrregullim të hiperaktivitetit të deficitit të vëmendjes (ADHD)? Vërtet, çfarë lloj muzike ju ndihmon më shumë kur jeni duke luftuar për të përfunduar projekte dhe punë që kërkojnë përkushtim?
Sipas studiuesve, muzika që duhet të dëgjoni kur dëshironi të përqendroheni varet nga lloji i muzikës së cilës i përgjigjeni. Kur bëhet fjalë për rritjen e fuqisë së trurit, nuk ka asnjë lloj muzike që i përshtatet të gjithëve. Pra, përqendrimi nuk lidhet aq shumë me zhanrin e muzikës, por me këngët që doni dhe dini.
Midis hip-hop-it, rap-it, pop-it, muzikës klasike dhe operës, përqendrimi vjen përmes muzikës me të cilën jeni më të njohur dhe që ju pëlqen të dëgjoni. Kjo muzikë do të rrisë përqendrimin tuaj, sipas neuroshkencëtarit dhe muzikantit të Harvardit, Dr Srini Pillay.
Hulumtimet kanë treguar se muzika e njohur aktivizon shumë nga zonat e trurit përgjegjëse për lëvizjen dhe fokusin.
