Blinor është hyrje e re në industrinë e muzikës, një emër që premton shumë, pasi është inovativ, kreativ dhe përcjell frymë ndryshe në muzikë.
Blinor Zejnullahu, artisti 21 vjeç që jeton në Belgjikë, këndon në gjuhën frënge dhe është një format ndryshe në botën e artit, kjo pasi ai e krijon vetë muzikën dhe tekstin e këngëve që interpreton dhe sjell për publikun e gjerë.
Blinor, ka disa këngë, ndërkaq si artist profesional ka lansuar dy projekte që gjenden në platformat më të njohura si Youtube, Spotify, Deezer, Shazam, etj.
Siç kuptojmë, kënga e parë e artistit të ri kosovar, por që po bënë emër në Evropë dhe është shndërruar në yll në Belgjikë, titullohet “Mesrine”, sipas Mesrine Jacques, një personazhi francez, një “robin des bois” që ka vjedhur të pasurit për ti u dalë në ndihmë të varfërve.
Në projektin e tij të ri, të lansuar së fundi edhe me videoklip, ylli i ri i muzikës vjen në bashkëpunim me reperin e rimo Rimo dhe kënga titullohet “LVC” (Liberty Vice City). Kjo këngë po luhet në radiot e njohura të Belgjikës.
Artisti shqiptar, aktualisht bashkëpunon me disa studio dhe këngëtar belg dhe francez, ndërkohë që dëshira e tij është të ketë bashkëpunime edhe me artist shqiptar, gjë që do ta bënte atë të këndonte në gjuhën shqipe.
Video:
